12 снежня 2015г.

Літаратурная гасцёўня    “Кветкі – сонцавы дзеткі” 

12 снежня ў нашай школе прайшла літаратурна-музычная гасцёўня “Кветкі – сонцавы дзеткі”, якую падрыхтавала настаўніца беларускай мовы і літаратуры Граблюк Алена Майсееўна. У ёй прынялі ўдзел вучні 6 – 11 класаў.

Цікавыя гісторыі распавялі ўдзельнікі пра кветкі, якія растуць у Беларусі: васілёк, ружа, шыпшына, лотаць, званочак.

Вучаніца 9 класа Раманюк Наталля, яна ж Аптэкар,  расказала, як і з якой мэтай выкарыстоўваюцца  гэтыя кветкі ў народнай медыцыне.

Свята суправаджалася музыкай. З цікавасцю вучні праслухалі песню на словы Максіма Багдановіча “Слуцкія ткачыхі”, “Кветка-шыпшына” на словы Т. Матафонавай.

Свята прайшло на высокай эмацыянальнай ноце. 

                                                                       Наталля Раманюк, вучаніца 9 класа