Калейдаскоп класных спраў

19 лістапада шосты школьны дзень быў насычаны мерапрыемствамі, якія былі падрыхтаваны класнымі кіраўнікамі сумесна са сваімі вучнямі.
Пазнавальная гульня “Закон сяброўства” адбылася ў 2 класе. У час гульні дзеці пазнаеміліся з правіламі акцябрат.
Конкурс малюнкаў “Свет у дзіцячых далонях”, які прайшоў у 4 класе быў прысвечаны разнастайнасці навакольнага свету і дзіцячаму бачанню рэчаіснасці.
Конкурс малюнкаў і калажоў “За чыстае паветра” даў магчымасць пяцікласнікам звярнуць увагу на праблему забруджвання навакольнага асяроддзя.
Цікавая дыскусія “Падлетак і закон” з вучнямі 3 і 7 класаў, прававая віктарына “Маё жыццё: правы і абавязкі” у 8 класе, круглы стол “Свабода і закон” у 10 класе былі накіраваны на фарміраванне прававой культуры дзяцей і падлеткаў, законапаслухмянасці.
Будучыя выпускнікі 9 класа для рэкламы любімых прафесій падрыхтавалі калажы “Прафесія ў аб’ектыве”. Прэзентацыю калажоў дзевяцікласнікі плануюць абараніць на класным бацькоўскім сходзе.

Педагог-арганізатар Шкуратава В.М

.