Удзел у розных творчых конкурсах – адзін з відаў работы з таленавітымі дзецьмі ў нашай школе. Гэта спрыяе развіццю іх здольнасцей, эстэтычнага густу, інтэлекта.
У пачатку 2014/2015 навучальнага года нашы вучні і педагогі паспяхова выступілі на раённым этапе рэспубліканскага конкурсу на лепшы фотаздымак аб малой Радзіме “Квітней, Беларусь!” і атрымалі дыплом ІІ ступені у намінацыі “Беларусь сінявокая”. Гэта васьмікласнік Лазавенка Андрэй (кіраўнік Таццяна Васільеўна Марціновіч).
Паспяховым можна назваць удзел у творчым конкурсе педагога – арганізатара школы Шкуратавай В.М. Яна ўзнагароджана дыпломам ІІІ ступені за конкурсную работу раённага этапу абласнога конкурсу “Праз гісторыю ў сучаснасць” у намінацыі “Турыстычнымі сцяжынамі”.
Лазавенка Андрэй, Марціновіч Таццяна Васільеўна, Шкуратава Вера Міхайлаўна, віншуем і ганарымся!